UNANG PASOMBU SASADA AU

hasian............
so ala ni rupami
dang ala ni artami
manang ala ni malo mi
jala ala ni haburjuonmi

alai molo jonok au di lambungmu
tung mansai sonang hulala
dame nang rohangku

jadi nungga tarrobung holonghu tuho
bingkas do siholhu molo so pajumpang dohot ho
diribaki panghilalaan molo dao sian ho

hasian............
dang targabusi au rohangku
dipusu pusu nasada on
sada goarmu do tarsurat
diate atekkon holan holongmido hupaima

lobi sian puisi
lobi sian arta
ima ho diau

hasin...
haol ma rohakki
boan au jala unang pasombu sasada au..

Read more »

PODA

poda ni damang dainang,
mandongani au manang na tudia pe mangalakka,
nga salpu be au dak danak, jala tano ranto nama ni dege,
dilehon damang dainang poda sitioponhu,,

asa Manat ahu mardalan
Manaili tu halausan
Asa ture di parjalangan.
Tokkot molo landit
Palito molo holom
Hariburon molo hohom .

ima na gabe Manggohi roha mengihot hosa
Lamture lamtuhotna,
ima pardalanan nahuparsitta
Borhat mardongan poda
Nauli mangerbang
Posma nang di roha.
MAULIATE AMANG INANG DIPODA munai..

poda ni damang dainang,
mandongani au manang na tudia pe mangalakka,
nga salpu be au dak danak, jala tano ranto nama ni dege,
dilehon damang dainang poda sitioponhu,,

asa Manat ahu mardalan
Manaili tu halausan
Asa ture di parjalangan.
Tokkot molo landit
Palito molo holom
Hariburon molo hohom .

ima na gabe Manggohi roha mengihot hosa
Lamture lamtuhotna,
ima pardalanan nahuparsitta
Borhat mardongan poda
Nauli mangerbang
Posma nang di roha.
MAULIATE AMANG INANG DIPODA munai..

Read more »

HOLONG MARTOPAK SADA TANGAN

ikkon songon dia do mandok tuho holong niroha???
nungga nian tung tangkas hupatuduhon tuho,
lobi songon bagas ni laut,
laos songonima nang bagas bi holongku tuho tung so tardodo do.

hasian, sian saribu halak siboru nahutanta,
holan hodo natarpillit dirohakku
jala sasada hodo natarpangan rohangku
tung soada be naasing

nungga tung marpulu taon
dung hu patolhas holong ni rohangku tuho,
sahat tu sadariaon
tung so adong do dibaen ho alusmu.

hasian, aha nahumurang sian au??
nungga tung loja au manganju ho,
alai sai holan gait2 do torus dibaen ho tuau.
hasian, haccit do holong namartopak sada tangan

Read more »

SIHOLHI INANG

Tung mancai burju do pambaenan ni dainang disimanjujungku,
Jala paltak do sude dibaen dainang,
Marabur do ilukku sagodang godangna 
molo huingot pambaenan nai,

Burju nai tahe tung so tarbalos…
Ala ni sihol ni rohangku, 
jala ala ni lungun ni rohangku na tarlobi
Jot-jot doau mangandung di tonga borgin
Ima au anak buhabajumon..

Jala tarsingot do au muse,
disude hadangolanta
Sopanagaman manetek do ilukku
Rab tubalian hita rab marsoban

Ala ni male ni si ubeanku
Pola do dang tarhandittu sobanhu
Ala holan gadong do na huallang
Ditogu dainang au, dang diloas au marsiboanon
Paltak dibaen ho holong mi inang di parngoluankon

Huingot muse disada ari,
uju hita dibalian
Rab mangula hita,didadang las ni ari, ditinggang udan.
Topek muse nungga tikkina martugo.
Rab tu sopo hita

Dienet dainang ma gulamo,
naung ditutung di gara niapi narara,
Apala otik do dipeakkon ho dipiringmu,
jala samponggol balga diau dibahen ho gabbas i

Paltakdo parniulaonmi diau inang
Nueng dao au diluat sihadaoan
Dao sian dainag, huhasiholi mai sudena
Dainang naburju, mauliate ma disude pambaenan mi
Tangiang mi, parorot au dison.

Read more »

Madabu Holong

Dung hu tanda ho ito hasian
Holan tuho do laho pikkiran ku.
Manogot, Arian, nang borngin pe taho Sai tontong holan ho di rohangku
Sitoho do, tung soboi longkang sian bagas ni rohangku
Ue tahe...... Pamereng mi, Parekkel mi, nang dohot uli ni rupa mi
Laos ido mambaen suda rohangki

Saonnari pe jujuron ku ma...!
Holong do rohangku tu ho.
ia tung soboe pe hita pajumpang, Naeng nian begeon ku soara mi
Jala naeng nian balos on mu holong ni roha kon

Ai mangan pe so lakku, jala modom pe so tontu Molo so adong baritam
Holan ho nama na adong dibagas pusu-pusu kon.....!
Sasada ho nama naboe mambaen sonang rohangkon.....!
Jala holan hodo na boe pamalum arsak na ate-ate kon.....!

Songon on do hape na nidok na madabu holong
Marbunga-bunga rohangki molo pajumpang dohot ho.
Holong ki, nang rohangki ikkon di ho nama i.
Jala naeng nian ganup tokkin padua-dua.
Madabu holong.....
Madabu holong.....
Madabu holong au tu ho.........!

Read more »

ULINAI

Uli nai borngin on tahe
hubereng bintang torang
hubege soara ni hirik
songon gondang mambaen di enet si malolongkon

Borngin on, huloppit tanganhu
Hodo nampuna au Amang
hupasahat sude pargulmiton ni daginghu Tuho.

Mauliate dipasu pasum dibagasan sadarion...
Nang di nadugo pe au
homa namagaramoti.
Mangula siulaonku pe au
tu marsogot,
homa mampargogoi.

Read more »

Puisi Batak

Soada be soara na pariburhon..
Halilum ma sai mangarsak roha..
Ho dang au be nappunasa..

Siholhu ma lam bagas..
Alai tung soada hapuasanna..
Hasianhi nunga halak be nappunasa..

Lungun lam pabagas sitaonon..
Alai dang huboto tu ise hatahonon..
Tung baritam pe dang hea tarbege sipareon..

Hasianhi dang au be nappunasa..

Read more »

AU DOHOT IBANA

Huhaholongi doho
dihaholongi ibana doho
sama-sama lomo rohanami
sama-sama mangharaphon ho.

ise ma au?
au ma naparjolo
ise ma ibana?
ibana ma panduaim.

boasa ma ho mardua holong
sada sidoli dang sae hape mambaen ho marlasnirohasa
sohuboto do aha hahuranganhu
gabe marsidua ho

ikkon do au pataluhon roha
holan asa sonang ho?
palua tali holong naung leleng ta pudun?
o mula jadi nabolon,
lean diau ias ni roha
molo memang na manghaholongi i
ias ni roha.

Read more »

SABAR MA DAINANG

ai tung boa pe pambahenanhu,
maradopphon dainang nauli lagu,
holongmu tung so tarbalos au.

nuaing ho inang nungga marniang sibuk,
ganup ari di doit ari, asing muse di tinggang udan.
molo jumpang di manogot
dang dope binsar mata ni ari
nungga hehe ho sian podomanmu,,,

sira natinutu, laos ima dipangan ho bahen bohal sadari.
hatop diganti ho paheanmu,
dungi borhat tu balian,
marpopo nambur dungi marbolus suga

ditonga borngin, diparjalangan on,
au di nadao sian ho
olo do sipata dang panagaman marabur ilukku holan paingot holongmi.

ue tahe inang balga ni holong mi
sudei hape holan ala ni anakmondo
diroham, asa boi au tutu songon na dirohami...
ditahi, ditonggo ho asa boi au muse gabe ondolan..
laos didokko
" ASA UNANG SONGON NAHUTAON ON TAONONMU MUSE"

dainang nauli lagu, mauliate diholongmi..
anggo saonari dang tuk dope gogokku inang lao mandulo ho.
alai sabar ma dainang, gomos martangiang tu Tuhani,
molo nungga hasea au, pasonang onhu ma dainang.

Read more »

SADARION AHU BUSISAON

Hasian, songon dengke palatina marsiadu,
Ima laho manggulut sada gea
Songonima siboruadi mandapothon ahu
Alai boa? Holan hodo nadapot rohanghu

Posma roham da ito
Ndang parmeamanhu ho
Holonghi holan tuho
Ima torus hatam.

Hape sudei hatami
Manis dibibirdo
Sanga tarpangan rohanghu tuho
Hape naasing do dipillit ho

Hansit nai hape ito natarhirim diholong
Sugari ma songon hansit nipat natarsuga
Rasaon, hansit satongkin doi
Alai molo pambahenanmon
Rasaon, saleleng nilelengna mai.

Dison ahu busisaon
Disan ho marsonang-sonang
Dison ahu tumatangis
Disan ho padua-dua rab menghel.

Alai horas maho ito
Anggiat ndang dibahen hobe tu naasing
Songon pambahenanmu tu ahu
Tangianghu tu TuhaNi.

Read more »

AHA ALANA

Dok ma tu ahu
Alani aha doho sai muruk
Soada bonsirna
Alai sai muruk ho

Hatahon ma tu ahu
Boasa sai mangiburu ho
Tusan tuson ndang boi ahu
Sai didokho ma au marsidua

Paboa ma aha do alana boasa songoni
Tiap arion ho sai marbete-bete
Paboa ma aha mambaen
Manang sidalianmu do I laho pasidinghon ahu

Molo naung adongdo diida ho
Naunjogi sian ahu
Unang pola mabiar ho mandok tu ahu
Ndang pola huambati be I

Ndang tartaon ahu
Songoni torus pangalahom
Ndang sanggup ahu
Disude pambahenammu

Donghon ma dohot denggan
Tubu au tuportibiaon
Ndangna lao sai murukan
Jala holonghi pe argadoi
Dada nalao sisonggak-songgahan.

Read more »

BONA PASOGITHU

Bilut podomanhi
lage podomanhi
didia pe ahu maringanan tung soboi huhalupahon

Ndungi,
Huta hatubuanhi tung so lupahon on hu, disi do ahu magodang laos disi do ahu umboto surat.
Dongan si solhot tung mansai lambok marpanghuling, 
s­idolina burju2 siboruna uli-uli.
Tano hatubuanhu, disi do damang mangalului ngolu,
Hinorhon ni napu ni tanona, ndang hea hami holsoan ala hahuranngan.

Ia dung magodang ahu hutingglhon ho, ima patorushon singkolagku diluat sihadaoan,
Dilehon damang dainang poda jala sitioponhu salelengna,
pantun hangoluan tois hamagoan..
Gabe dapot ahu ma siani habaranion jala boan on hu tu pangarantoanon…

NDung sahat au diparjalangan, huhilala ma dison porsuk ni parngoluan,
Tung mansai bernit do hape mangalului ngolu.
Tano hatubuan hi, ho ikkon pamajuonhu,
Marjanji ma ahu molo dapot ahu nahuparsinta,,
Naingkon pasonangonhu do ngolu ni damang dainang…
Urupanhu dongan na hahurangan, jung-jungonhu anggi pinaribothi.

Tumula jadi nabolon, gomos ahu martangiang, pasahat ma sangkaphu,
Patabo sibarangku, godang do pe sisolhot nanaeng siurupanhu..

Read more »

Puisi

Indahan nabodari namarhorak i
Tuanghonon aek las tu si
Janggut-janggut nangali
Pinasisi uju marbagi dohot anggi

Tabo do nian parniahapan najolo
Alai nuaeng on tung so hataon do
Lumobi molo habis ikkan
Sira nama binahen dongan
Nigaorhon tu indahan
Ima gogo borhat marsiajar
Mangalele malo ni angka dongan

Mongan manogot tingki singkola
Unang be tarulak nian

Read more »

HEA DO HUTAON NAPORSUK

Dao di bariba ni hapea an
Tarbege dope hallo-hallo sian onan
Ima suara ni parginseng si PakpahanDao hian do nian disan
Ai au dohot dainang hot di balian
Paimaon nami gok gota di dasar ni kalapa
Asa bakkuhonon satongkin
Dungi boanon tu pasar
Asa boi maronan
Ima porsukna hamuna
Ingkon mangguris Dainang di sogot onan
Asa botari adong sangkuhonon
Manuhor gambas nanaeng diambolongkon
Asa mura
Ima porsukna hamuna

Nunga didoiti rongit pathi
Leleng paima gok dasar i
Diputik Dainang honas naposo
Di tano ma dilakkati
Ro ijurhu mangida i

Nikkuma mandok
Diama jolo saotik inang
Male hian ahu
Toho tahe pamatang gale
Siang sogot so mangan dope
Ima porsukna hamuna

Diorai Inang huallang honas naposo
Unang haccit butuha gabe marholso
Hutaon ma satongkin nai jolo
Sai tu onan hubaen roha margogo
Ima porsukna dago

Read more »

Borhatma Ho Amang

oleh : Paulus Simangunsong

Borhatma ho Amang
Mangalakka ma simanjojakmi
Tu tano parserahan nahumaliang
Patudu habangsoonta
Marbisuk ma ho jala marroha

Tung tinggal pe ahu amang
Hujaga do tali pusokmi
Alai sombakkuma nahot
Tung so lupa ho nian
Di pingganta kaleng i
Cerekta naso adong be sitiopannai
Nang bona ni kuenitta i

Read more »

Inang- puisi Batak

Inang, Inang na burju,
Inang, Inang na uli lagu,
Aha ma si dohononku,
Tu ise ma nama aluhononhuMolo marsak ahu,
Molo ponjot pingkiranku…

Inang, Inang na basa
Nunga ganjang dalan talaosi
Udanbolas di saba Napa,
Suang songoni haba-haba di Siappis
Laho manguduti ngalo siapari…

Inang …
Tasuruk udan dohot las ni ari,
Mulai sian Parlilita tu DolokSanggul,
Sian Barus rodi Onanganjang
Tadalani borngin sian Tukka Rodi Jagapayung,
Tabolus langlang di AekRiman sahat tu Pakkat
Laho patupahon asa tuk ngolu-ngolu ni sude anakkonmu.

Inang, Inang nadenggan basa
Ditaon ho martaon di luat si leban,
Holan manghokkop sude hami anakkonmu,
Didokho, “Anakkon hido hamoraon di Ahu”

e tahe, burju mi inang!
e tahe, denggan ni lagu mi inang!

Di ngolum dang manarita ho tu pangalaho nami sude anakkonmu…

Sai dianju ho do …
Sai diajari ho do …
Sai diampok ho do atem-atem
Parbahul-bahul na bolon do ho inang,
Dang diolom ho pangalaho ni sude hami anakkonmu

Saonari ikkon borhat ma ho, mangalusi jou-jou ni Amanta Debata …

Ah tahe …,
Di naso panagaman, boasa?
Boasa inang na burju
Ingkon laho ho maninggalhon ahu,

Ise nama mangapus ilukku molo tangis ahu,
Ise nama manggolom simajujungku molo tok ulungku,
Tu isema hasampean ni langkakku,

Ah tahe inang, inang na burju…
Boan, boanma ahu inang tu hasonangan i
Boan, boan ma au inang rap dohot ho manjumpangi Tuhan i…
Rap ma hita tu surgo i, songon rampakta manaon na porsuk di hasiangan on …

Inang, begema ahu inang,
Tangihon ahu inang, anakmu na lungun on…
Hujalo podami,
Hujalo sipasingotmi atik pe mangaruhut di lakkakki,

Inang…
Molo ingkon laho ma ho saonari tu hasonangan i,
Borhat, borhat ma ho Inong, Inokku na burju.

Read more »

Aek Riman - Puisi Batak

Sipata,
Olo do tarsunggul au tu ho,
Molo hundul au martutu hian
Marningot hinaulim,
Hu ida di matangki hinadengannmu jala hinaulim

Tung godang pe luat naung hudalani,
sian Purba sahat rodi Pastima
Sian Utara ro di Dangsina
Sian saluhut desa na ualu
Alai dang boi lingkang sian rohangki, sude hinaulimi

Pandaraman, na lomak
Pahanpahanan na denggan,
Rodi pangisi ni hutam na lambok malilungi.
Mambaen rohangku sai naeng mulak mandulo ho

Tariongot au tikki di huta,
Martapian di aek luhung,
Marlojong di gadu-gadu i
Sonang nai tahe di Huta ni damang nang dainang,
Huta hatubuan,
Aek Riman rodi huta Sihombu.

Andigan pe au mulak, ro mandulo ho?

Molo Huingot tingki di haposoon najolo
Martapian tu Aek Luhung, rap dohot dongan magodang

Marmeam di alaman Ditingki rondang ni bulan i,
nang songoni di tingki haposoon
Di gereja parguruan i,
Taringot muse tu angka dongan magodang,
nunga tung didia saonari??
Aut bo ma nian mulak poso,
Rap mengkel, martata, Marsigoitan

Tubu holong….

Dung hutinggalhon, hutangki
huta Sihombu na uli, holan sihol do na boi tarbahen,
Tu ho…

Andigan boi au ro mandulo ho, hutangki hatubuan ki…

by: ParPakkat, 

Read more »